Burun qanadları korreksiyası nədir? Burun klapanı burun boşluğunun ön (kaudal) şöbəsində yerləşir və onun ən dar hissəsidir. Bu klapan ön burun çəpəri şöbəsi, alt burun balıqqulağının ön qurtaracağı və üstlateral (üçbucaq) burun qığırdağının alt kənarından yaranmışdır. Burun klapanı strukturunun deformasiyası onun daralmasına və ya kollapsa gətirib çıxarır. Bu isə öz növbəsində ən çox rast gəlinən çətin burun tənəffüsü səbəblərindəndir. Belə hallarda pasiyenti əsasən çətin nəfəsalma narahat edir. Burun klapanı daralmasının müalicə metodu rinoplastik əməliyyatının bir hissəsi olan burun qanadları korreksiyası adlanan cərrahi müdaxilələr kompleksidir. Bu əməliyyat çox zaman rinoplastika əməliyyatının tərkibində icra edilir.

27 oktyabr 2022

Burun qanadları korreksiyası əməliyyatına göstərişlər

Əsasən nəfəsalmada birtərəfli burun tənəffüsünü çətinləşdirən burun klapanı darlığı.
Burun klapanı darlığı nəticəsində kəskin sinusit residivlərinə yol açan və kəskin sinusitin xronikiləşməsinə gətirən burun tənəffüsü çətinləşməsi.

Burun qanadları korreksiyası əməliyyatı necə həyata keçirilir?

Burun qanadları cərrahi korreksiyası endotraxeal narkoz altında həyata keçirilir. Əməliyyat ehtiyatla, burun boşluğunun dəyişilməz strukturunun qorunması şərti ilə aparılır. Korreksiya burun boşluğunun tamponlaşdırılması ilə yekunlaşır.

Reabilitasiya (bərpa) dövrü

Əmək qabiliyyətinin olmadığı dövr 10-14 gün çəkir. Stasionarda qalma müddəti isə 1-3 gündür. Əməliyyatın səhəri günü burun boşluğundakı tamponlar çıxarılır. Əməliyyat sonrası dövrdə burun boşluğunun təmizliyi, burunun selikli qişasının anemizasiyası, sonra isə burun boşluğu selikli qişasının məlhəmli applikasiyalar yardımı ilə nəmləndirilməsi aparılır. Burun tənəffüsü bərpası pasiyentin orqanizminin reparativ xüsusiyyətlərindən asılı olaraq 2-1,5 həftəyədək davam edir.

Əməliyyat sonrası tövsiyələr

Əməliyyatdan sonra 1 ay ərzində ehtiyatlı rejimə əməl olunmalıdır. Fiziki gərginlikdən, isinmə, soyumalardan, burun travmalarından kənar qaçmaq lazımdır. Əməliyyatdan sonra 2 həftə ərzində ehtiyatlı pəhrizə əməl etmək, isti yeməklər və içəcəklərdən, spirtli içkilərdən istifadə etməmək zəruridir.